Ang Adlaw sa Pagpapas sa Sala ug ang Grasya sa Pagtubos

Sa dihang Gihatag sa Dios ang Napulo ka Sugo sa Ikaduhang Higayon, Kini Nagpasabot nga Iyang Gihatag ang Kapasayloan sa mga Sala

Ang unang Napulo ka Sugo nga nadawat ni Moises nabuak tungod kay ang mga Israelita misimba sa bulawan nga nating baka.
Human ang mga Israelita makaamgo sa ilang mga sala ug naghinulsol, si Moises minaog uban sa ikaduhang Napulo ka Sugo nga gihatag sa Dios kanila ingon nga timaan sa kapasayloan.
Kini nahimong sinugdanan sa Adlaw sa Pagpapas sa Sala.

Ang mga Miyembro sa Church OF God Moduol sa Diyos Inahan, ang Labing Balaan nga Dapit, Pinaagi sa Adlaw sa Pagpapas sa Sala

Sa diha nga ang usa ka tawo makahimo ug sala, kana nga sala temporaryo nga ibalhin ngadto sa Dios, ang santuaryo, hangtud sa Adlaw sa Pagpapas sa Sala.
Human ang pangulong pari mosulod sa Labing Balaan nga Dapit ug mohimo sa seremonyas sa pagwisik ug dugo, ang sala hingpit nga mapasaylo.
Sa susama, karon, nga wala makadawat sa grasya sa Jerusalem, nga mao ang Labing Balaan nga Dapit, nga mao, ang Dios nga Inahan, walay usa nga makakab-ot sa hingpit nga kapasayloan sa mga sala o kaluwasan.

“Inigkahuman ni Aaron ug hinlo sa Dapit nga Balaan ingon man sa Tolda nga Tagboanan ug sa halaran, ihalad niya ang buhi nga kanding.
Unya itapion ni Aaron ang iyang mga kamot sa ulo niini ug isugid niya ang tanang mga kasal-anan ug mga kalapasan sa mga Israelita. Sa ingon niini ikabutang niya sa ulo sa kanding kining tanan ug pabuhian niya ang kanding didto sa kamingawan sa usa niya ka katabang.
Ang kanding maoy magdala sa tanan nilang mga sala ngadto sa usa ka hilit nga dapit ug buhian kini ngadto sa kamingawan.
Leviticus 16:20–22