क्षणभरको जीवन र अनन्तको जीवन

[सुरुको मण्डलीलाई कुन कुराले कठिनाइ र सतावटलाई सहर्ष स्वीकार्न अभिप्रेरित गऱ्यो ?]

परमेश्वरप्रतिको अकाट्य विश्वास र अनन्त स्वर्गको आशा लिँदै
सम्राट नेरोको चरम दमन र सतावटलाई समेत सहर्ष स्वीकारेका
परमेश्वरको मण्डलीका सन्तहरूले जस्तै, वर्तमान युगका हामीले पनि
अनन्तकाल जिउनको निम्ति स्वर्गमा प्रशस्त आशिष्‌हरू जम्मा गर्नुपर्छ ।

[आन साङ होङज्यू र माता परमेश्वरले तयार पार्नुभएको अनन्त स्वर्ग]

क्षणभरको जीवनलाई रोजेको यहूदा इस्करियोतले जस्तै होइनकि
तेस्रो स्वर्गलोक देखेपछि स्वर्गलाई बलजफती पक्रेका प्रेरित पावलले जस्तै
मृत्यु, शोक र पीडा नभएको अनन्त स्वर्गको निम्ति जिउनु बुद्धिमानी हो ।

“किनकि हाम्रो हलुको र क्षणभरको कष्टले हाम्रा निम्ति
अतुलनीय तथा अनन्तको महान् महिमा तयार गरिरहेछ ।
हामी दृश्य कुरालाई होइन, तर अदृश्य कुरालाई हेर्छौं,
किनभने दृश्य कुरा क्षणिक हुन्छन्, तर अदृश्य कुराचाहिँ
अनन्तसम्म रहन्छन् ।”
[२ कोरिन्थी ४:१७-१८]