U Kpa Ahnsahnghong U Long U Blei, U Khrist Uba La Wan ha Kaba Arsien II

Shaphang ka Jingkylli, “U Khrist Ahnsahnghong U Long U Briew. Kumta Kumno U Lah Ban Long U Blei?”

U Khrist Ahnsahnghong u long U Blei namar tang U Khrist Ahnsahnghong u long U Thied U Dabid uba la wan ha ki sngi kiba khadduh bad pyniohpat ia ka jutang bymjukut da kaba plied ia ka Baibl kaba la pyndait laha.
U Khrist uba la wan da ka kyrteng Jisu ha ka jingwan banyngkong jong U bad da ka kyrteng U Ahnsahnghong ha ka jingwan baar jong U u la shim baptis ha ka rta kaba 30 bad ioh ia ka jingsleh bakynja mynsiem. U la ialam ia ka hima jong ka gospel lai snem ha ka jingwan banyngkong jong U bad 37 snem ha ka jingwan baar jong U bad pyndep ia ka jingiathuhlypa jong ka khet U Syiem Dabid.

Uei Uba La Mihpaw bad Pynbna ia ka Jutang Bathymmai, ka Dak jong U Dabid? Mynno Kane ka Jia?

Ha ka 1948, ka snem haba ka Israel ka la ioh ia ka jinglaitluid katba kum ka Pharshi u Dieng Dumbur ba la hikai da U Jisu, U Khrist Ahnsahnghong u la ieng ha ki jingkhang, u la ai ha ngi ia ka jingkyrkhu ka jingpynim lyngba ka Jutang Bathymmai ka Niam ka Jinglait, u la seng ia ka Balang U Blei, bad phla shaphang Ka Blei Ka Kmie.

Nga te nga la iam shibun, naba ym shym la shem iano iano ruh uba bit ban plied ia kata ka kitab, lymne wat ban khmih ha ka. Te uwei na kita ki tymmen basan u ong ha nga, “To wat iam: ha khmih, uta U Sing uba long na ka jaid Juda, U Thied U Dabid, u la jop ban plied ia kata ka kitab, bad ban loit ia kita ki hynniew ki jingpyndait jong ka.”
Ka Jingpynpaw 5:4‒5

hadien kata ki khun Israel kin sa phai, bad kin sa wad ia U Trai U Blei jong ki, bad ia U Dabid u syiem jong ki de; te kin sa wan da ka jingsheptieng ha U Trai bad ha ka jingleh sbun jong u ha ki sngi kiba khadduh.
U Hosia 3:5