Pasko, ang Gawa-gawang Kaarawan

Ano ang Katotohanan Tungkol sa Pasko na Alam ng Buong Mundo Bilang ang Kaarawan ni Jesus?

Ang mga kaugalian ng tatlong pangunahing kapistahan ng Roma — ang Saturnalia, Sigillaria, at Brumalia — at si Santa Claus na siyang produkto ng kapitalismo ay pinasok sa Pasko sa ngalan ng paggunita sa kapanganakan ni Jesus. Gayunman, ang Biblia ay nagpapatotoo na ang kaarawan ni Jesus ay hindi sa taglamig kundi sa tagsibol.

Ang Kaligtasan Ay Napagpapasiyahan sa Pagganap ng Kalooban ng Diyos, Hindi sa Bulag na Pananampalataya

Nalikha ang Pasko nang kinupkop ng Kristiyanismo ang Romanong relihiyon na pagsamba sa diyos-diyosang Araw. Isa itong araw para sambahin ang ibang mga diyos, hindi ang tunay na Diyos, at ang resulta nito ay pagkawasak, hindi kaligtasan. Sinusunod ng Church of God ang mga katuruan ni Cristo Ahnsahnghong at ng Diyos Ina na kapwa nagturo ng katotohanang ito, at tinutupad nito ang mga utos ng Diyos na nasusulat sa Biblia, hindi Pasko na isang alituntuning ginawa ng mga tao.

“Kayong mga mapagkunwari, tama ang ipinahayag ni Isaias tungkol sa inyo nang sabihin niya, ‘Iginagalang ako ng bayang ito sa kanilang mga labi, ngunit ang kanilang puso ay malayo sa akin. At walang kabuluhan ang pagsamba nila sa akin, na itinuturo nila bilang mga aral ang mga alituntunin ng mga tao.’ ”
Matthew 15:7–9

At sa ganito’y nalalaman natin na siya’y kilala natin, kung tinutupad natin ang kanyang mga utos. Ang nagsasabing, “Kilala ko siya,” ngunit hindi tinutupad ang kanyang mga utos, ay sinungaling, at ang katotohanan ay wala sa kanya.
1 John 2:3–4