Auang Bángla Ter, Kaitorni Sak yapharmung tei Hamjakmungni
Pholano tẃiwi Buchijaknai tei Srwrngjaknai Ter
Auang Bángla Ter Khristo Bini sakno chuknoha-o
sumsuk khlainai bororokno mwthangna bagwi sak
yapharmani, khá beramani, tei hamjakmung
rwmano pholano tẃiwi phunugo.
Chwng Auang Bángla Terno, Khristoni kruso kanta
bujakmani tei langmani bising tẃi chini sumsokrokni
khá kiphilmungni uansukmung bai khe palainani nangnai,
tei Bini tekto-o khátungwi manjaknani nangnai.
“Chuknoha-o Hapna Muchungnairok Bórokni
Kruso Balwi Tei Ani Logi Phai Thung.”
Kaitor o ha-o bororokno mwthangna bagwi
phai kha, hwnba Pitor suda, bini poitoni
bagwi sinijaknai, Judas Iskariot, tei kubun
sagrirok bebakno Kaitorni ayango kotorma
samung hamya khlai lai kha.
Kaitorni hamjakmungno swrwngwi,
abo hai sumsok gwnang bororokno
suda yakar li yaui phiya bórokno
khairokjak nai ni bagwi, chwng tabuk
chini krusni pojano soiwi poitoni lama-o
himnani nangnai.
Tamo khe diyarirok elembago swi langmani
abo nang phaina bagwi se omorok wngo.”
Aphuru bebak sagrirok bono khibiui khár bai kha.
Mathai 26:56
Hakhe Jisu bini sagrirokno hai hwnwi sa kha,
“Ani logi phaina khe a borok bini sakni kók ta
uansuk thung, bini krus balwi ani logi phai thung.
Mathai 16:24
- আগের তারিখ
- 2025. 04. 09
- সহানুভূতি
- 0
