ବାଇବଲରେ ବିଶ୍ରାମ ଦିନ ସପ୍ତାହର କେଉଁ ଦିନ?

ପରମେଶ୍ୱର ଯେଉଁମାନେ ତାଙ୍କଠାରେ ବିଶ୍ୱାସ କରନ୍ତି ସେମାନଙ୍କ ପାଇଁ ଆରାଧନା ଦିନ ନିଯୁକ୍ତ କଲେ ।

“ବିଶ୍ରାମ ଦିନ ପବିତ୍ର ରୂପେ ପାଳିବାକୁ ସ୍ମରଣ କର ।” ଯାତ୍ରା ୨୦:୮

ଏହା ସେହି ଦିନ ଯେତେବେଳେ ପରମେଶ୍ୱର ନିଜ ଲୋକମାନଙ୍କୁ ପବିତ୍ର କରନ୍ତି । (ଯିହିଜି ୨୦:୧୨)
ତେଣୁ, ପରମେଶ୍ବରଙ୍କ ଲୋକମାନଙ୍କୁ ବିଶ୍ରାମ ଦିନ ପାଳନ କରିବା ଉଚିତ୍ ଯାହାକୁ ପରମେଶ୍ୱର ଆରାଧନା ଦିନ ଭାବରେ ନିଯୁକ୍ତ କରିଛନ୍ତି ।

ବିଶ୍ରାମ ଦିନ ହେଉଛି ସେହି ଦିନ ଯେତେବେଳେ ପରମେଶ୍ୱର ଛଅ ଦିନରେ ସ୍ୱର୍ଗ ଓ ପୃଥିବୀ ସୃଷ୍ଟି କଲେ ଓ ସପ୍ତମ ଦିନ ବିଶ୍ରାମ କଲେ । (ଆଦି ୨:୩) ସପ୍ତମ ଦିନ ବିଶ୍ରାମ ଦିନ ପରମେଶ୍ୱରଙ୍କ ସୃଷ୍ଟିର ଶକ୍ତିକୁ ସ୍ମରଣ କରିବାର ଦିନ ।

ତେବେ, ସପ୍ତାହର କେଉଁ ଦିନ ସପ୍ତମ ଦିନ?

• ରବିବାର: ସପ୍ତାହର ପ୍ରଥମ ଦିନ
• ଶନିବାର: ସପ୍ତାହର ସପ୍ତମ ଦିନ

ଶବ୍ଦକୋଷ ରେକର୍ଡ କରେ ଯେ ସପ୍ତମ ଦିନ ହେଉଛି ଶନିବାର ।
ଯେତେବେଳେ ଆମେ ଏକ କ୍ୟାଲେଣ୍ଡର ଦେଖୁ, ତେବେ ସପ୍ତମ ଦିନ ହେଉଛି ବିଶ୍ରାମ ଦିନ ଶନିବାର ।

ବାଇବଲ କୁହେ ଯେ ଯୀଶୁ ସପ୍ତାହର ପ୍ରଥମ ଦିନରେ ପୁନରୁ‌ତ୍‌ଥିତ ହେଲେ । (ମାର୍କ ୧୬:୯)
ଏହି ପଦକୁ, ଗୁଡ୍ ନ୍ୟୁଜ୍ ବାଇବଲ କହେ ଯେ ଯୀଶୁ ରବିବାର ଦିନ ପୁନରୁ‌ତ୍‌ଥିତ ହେଲେ । (ମାର୍କ ୧୬:୯)

ତେବେ, ବାଇବଲରେ ବିଶ୍ରାମ ଦିନ ସପ୍ତାହର କେଉଁ ଦିନ? ବିଶ୍ରାମ ଦିନ ହେଉଛି ଶନିବାର ।
କ୍ୟାଥୋଲିକ୍ ପୁସ୍ତକଗୁଡ଼ିକ ମଧ୍ୟ ସାକ୍ଷ୍ୟ ଦିଏ ଯେ ବିଶ୍ରାମ ଦିନ ହେଉଛି ଶନିବାର ।

“ଶାସ୍ତ୍ର ଶନିବାରକୁ ପବିତ୍ରରୂପେ ପାଳିବାକୁ କୁହେ, ଯାହାକୁ ଆମେ କେବେ ପବିତ୍ର ଭାବରେ ପାଳନ କରୁନାହୁଁ ।”

“ବିଶ୍ରାମ ଦିନ ଶବ୍ଦର ଅର୍ଥ ହେଉଛି ବିଶ୍ରାମ କରିବା, ଏବଂ ଶନିବାର ହେଉଛି ସପ୍ତାହର ସପ୍ତମ ଦିନ ।”

ଯୀଶୁ ମଧ୍ୟ, ବିଶ୍ରାମ [ଶନିବାର] ଦିନ ଆରାଧନା କଲେ ।

“ସେ(ଯୀଶୁ) ଯେଉଁ ନାଜରିତରେ ପ୍ରତିପାଳିତ ହୋଇଥିଲେ, ସେହି ସ୍ଥାନକୁ ଇତିମଧ୍ୟରେ ଗଲେ ଓ ଆପଣା ରୀତି ଅନୁସାରେ ବିଶ୍ରାମବାର [ଶନିବାର] ରେ ସମାଜଗୃହରେ ପ୍ରବେଶ କଲେ, ଆଉ ପାଠ କରିବା ନିମନ୍ତେ ଠିଆ ହେଲେ ।” ଲୂକ ୪:୧୬

ଯୀଶୁଙ୍କ ସ୍ୱର୍ଗାରୋହଣ ପରେ, ପ୍ରେରିତ ପାଉଲ ମଧ୍ୟ ବିଶ୍ରାମ [ଶନିବାର] ଦିନ ଆରାଧନା କଲେ ।

ଆଉ, ପାଉଲ ଆପଣା ରୀତି ଅନୁସାରେ ସେମାନଙ୍କ ନିକଟକୁ ଗଲେ, ପୁଣି ତିନି ବିଶ୍ରାମବାର ପର୍ଯ୍ୟନ୍ତ ଶାସ୍ତ୍ରର ବାକ୍ୟ ଘେନି ସେମାନଙ୍କୁ ଉପଦେଶ ଦେଲେ, ପ୍ରେରିତ ୧୭:୨

ଯେପରି ଯୀଶୁ ଏବଂ ତାହାଙ୍କର ଶିଷ୍ୟମାନେ ବିଶ୍ରାମ [ଶନିବାର] ଦିନ ପାଳନ କଲେ, ସେହିପରି ପରମେଶ୍ବରଙ୍କ ଲୋକମାନଙ୍କୁ ବିଶ୍ରାମ [ଶନିବାର] ଦିନ ପାଳନ କରିବା ଉଚିତ୍ ଯାହାକୁ ପରମେଶ୍ବର ନିଯୁକ୍ତ କରିଛନ୍ତି । ବିଶ୍ୱ ମିଶନ ସଂସ୍ଥା ଚର୍ଚ୍ଚ ଅଫ୍ ଗଡ୍ ସପ୍ତମ ଦିନ ବିଶ୍ରାମ ଦିନ ପାଳନ କରେ ଯାହା ପରମେଶ୍ବର ନିଯୁକ୍ତ କରିଛନ୍ତି ।