ଉକୁୱାକାନ୍ ରାସିକା ଅଡ଼ଃ ସିର୍ମାରାଃ ରାଇଜ୍

ଦୁକୁ ଅଡ଼ଃ ରାସିକା ବାରାଃନା ଉଳୁଃଏତେ ଏଟେଃୟଗା,
ଏନାମେନ୍ତେ ଆବୁକେ ସୁକୁତେ ତାଇନ୍ ରାଃ ଆଭ୍ୟାସ୍ ରିକାକାନ୍ ତାଇନ୍‌କାବୁ।

ଚିମ୍‌ତାଙ୍ଗ୍ ଆବୁ ଆବୁଆ ବିଶ୍ୱାସ୍ ରାଃ ହରାରେ ହିନିଳାଅ, ସାସାତି ଅଡ଼ଃ କ୍ରୁସ୍ ରାଃ ପୁରାଃ ହମ୍ବାଲ୍‌କବୁ ନାମେୟା,
ଏଣ୍ଡେ ଅକନ୍ ହଡ଼ ନେ କେଣ୍ଟେଦ୍‌କ “ଆଇଙ୍ଗ୍ କାଠାଉକା ଲେକା ମେନାଇୟା” ମାନାତିଇଁୟା, ଇନିଃ ସାର୍ତିତେ ଇନିଃ ଦୁକୁରିୟା,
ମେନ୍ଦ ଅକଏ ନେ ପାରିସ୍ଥିତିରେ ଆଶିଷ୍ କେ ଆଟ୍‌କାରେୟା ଅଡ଼ଃ ମାଇନ୍ ଏମେୟା
ଇନିଃକେ ସୁକୁନାମଗା ଅଡ଼ଃ ଇନିଃ ସିର୍ମା ରାଇଜ୍‌ରେ ବଲଧାଳିୟା।

ପାର୍‌ମେଶ୍ୱାର୍‌ରାଃ କାଲିସିୟାରେନ୍ ସାଦାସ୍ଯା ନାୱା ନିୟାମ୍ ରାଃ ସାନାର୍ତିରେ ସୁକୁକ ନାମେତାନା।

ଖ୍ରୀଷ୍ଟ୍‌ ଆନ୍ ସାଙ୍ଗ୍ ହୋଙ୍ଗ୍ ଅଡ଼ଃ ଉମା ପାର୍‌ମେଶ୍ୱାର୍‌ କାଜିତାନାଏ, ଜାନାୱ ରାସିକାଅଃପେ।
ଅଡ଼ଃ ସବେନ୍ କାଜିକରେ ଜହାରେପେ,” ଅଡ଼ଃ ଆବୁକେ ସବୁରେନ୍ ଜୀଦାନ୍ ତାଇନ୍ ଇତୱା କାଦ୍‌ବୁଆ
ଚିୟାଃଚି ଅତେଦିସୁମ୍ ରାଃ ଏତ୍‌କାନ୍‌ ସାନାଙ୍ଗ୍ ବିନିଳାଅ ଅଡ଼ଃ ଦୁକୁକଏ ଜାନାମେୟା।
ଏନା ଆବୁକେ ଯାଆନ୍ କାଠାଉକା ଦିପିଲିକେ ବୁଗିନ୍ ଉର୍ଜାରେ ବାଦାଲାଅକେତେ
ଭାକ୍ତିରାଃ ହେୱାନ୍ ନାଙ୍ଗ୍ ଆଭ୍ୟାସ୍ ରିକାନାଙ୍ଗ୍ ଇତୁବୁତାନା।

ଜାନାୱ ରାସିକାଅଃପେ। ବିନ୍ତିକାତେପେ।
ସବେନ୍ କାଜିକରେ ଜହାରେପେ, ନେୟାଦ
ୟୀଶୁ ଖ୍ରୀଷ୍ଟ୍‌ରେ ଆପେନାଙ୍ଗ୍ ପାର୍‌ମେଶ୍ୱାର୍‌ ମନେ ତାନାଃ।
1ଥିସୁଲୁନିକିରେନ୍‌କ 5:16-18

ବିନିଡ଼ାଅରେ ସାହାତିଙ୍ଗ୍‌ତାନ୍‌ ହଡ଼କ ସୁକୁତାନ୍‌ଗିୟାକ, ଚିୟାଃଚି ନେ ଲେକାନ୍‌ ବିନିଡ଼ାଅରେ ଜିତାଅଃରେଦ, ପାର୍‌ମେଶ୍ୱାର୍‌ ଅକ ଜୀଦାନ୍‌ ଏମ୍‌ ନାଗେନ୍ତେ ଆଇଃକ୍‌କେ ଦୁଲାଡ଼ିତାନ୍‌ ହଡ଼କକେ ବନର୍‌ସା ଏମାକାଦ୍‌କଆଏ, ଇନ୍‌କୁ ଏନାକେ ମୁକୁଟ୍‌ ଲେକାକ ନାମେୟାଃ... ମେନ୍‌ଦ ଜେତା ହଡ଼ ଆୟାଃ ଏତ୍‌କାନ୍‌ ସାନାଙ୍ଗ୍‌ରେ ତାଇନ୍‌କେଦ୍‌ତେ ବିଡ଼ାଅରେ ଉୟୁଗଃଆ । ଏତ୍‌କାନ୍‌ ସାନାଙ୍ଗ୍‌ରେୟାଃ ହାମ୍ବାଲ୍‌ରୋୱାଏତେ ପାପ୍‌ ସିର୍‌ଜାଅଃଆ ଆଡଃ ଏନ୍‌ ପାପ୍‌ ପୁରା ହାରାଇଦିକେନଃରେ ଗନଏଃ ହବାଅଃଆ ।
ୟାକୁବ୍ 1:12-15