Kaitorni langmani Kerongno Poknairok

Adam tei Ebini Sumsok Kaitorni Langmani
Kerongno Pokmani Aroni Se Chengo

Adam tei Ebi Kaitorni kerongno pogwi sumsok khlaima hai,
“Norok kaham hamya si rwnai buphangni bwtháino ta chá di,”
Chwng je phuru phano Kaitorni kerongno pok khe,
chwng sumsok khlaiwi tei birmanrok manno.
O molo bo haino, Kaitor sa-o a páithakni birman
phainai hwnwi tamni hwn khe o swngchar Kaitorni
kerongno pogwi tháng kha-a Sabat sal tei
swmai kwtalni Yókma Ter , tei abórokno tẃi lai li ya.

Abo Kaitor Ahnsahnghong Se Chwngno Swmai Kwtalni,
a Sabat Sal, tei Yókma Terno Tẃina bagwi Daginai

Bororok wng kha chuknoha-o sumsok khlaiwi tei
o ha-o tikhlai rohorjaknai pholarok [suarirok] se. Bórok
Kaitorni kókno o ha-o tong tẃtẃi kók khna khe simi se
chuknoha-o kiphilwi mannai. Habugra Hejekia Kaitorni kókni
hai khe [a Yókma Ter] tẃi phuru hamari manma hai kheno,
Kaitorni Motha Kaitorni muchungmano Kaitorni kerong-
a swmai kwtalno tẃiwi kók khna-o.

“Hus wng di, Subraiyung norokni Kaitorno ta pok di
ang tini bini bebak dagimarokno, kerongrokno tei raidarok nono rw kha,
abórokno tẃiwi tongnano ta koró di,
Uáinwi Sa Phima 8:11

“Ano ‘Subrai, Subrai!’ hwnnairok bórok bebak’-no
Kaitorni ha-o habwi man glak, tamo khe chuknohani
Aphani muchung tẃi tongnairok simi se habwi man anw. 
A Salo borok kwbángma’-no ano hai hwnwi hwn anw,
‘Subrai, Subrai! Nini mungwi chwng Kaitorni kók sa kha . . .
uanamasingcha samung kwbángma’-no khlai kha!’ 
. . . ‘Ang norokno si se sini ya. Ani oroni tháng di chengtarok!’ ”
Mathai 7:21-23