ຜູ້ທີ່ລືມພະບັນຍັດແຫ່ງຊີວິດຂອງພະເຈົ້າ

[ຄວາມບາບ​ຂອງ​ອາດາມ​ ແລະ​ ເອວາ ໄດ້ເລີ່ມມາ​ຈາກ​ການ​ລືມ​ພະບັນຍັດ​ຂອງ​ພະເຈົ້າ]

ດັ່ງທີ່ອາດາມ ແລະ ເອວາໄດ້ເຮັດບາບເພາະວ່າ ພວກເຂົາໄດ້ລືມພະບັນຍັດຂອງພະເຈົ້າ
ທີ່ວ່າ “ເວັ້ນໄວ້ແຕ່ຕົ້ນທີ່ໃຫ້ຮູ້ຈັກດີ ແລະ ຮູ້ຈັກຊົ່ວ. ເຈົ້າຢ່າກິນໝາກໄມ້ໃນຕົ້ນນັ້ນ”,
ເມື່ອໃດກໍຕາມ, ທີ່ລືມພະບັນຍັດຂອງພະເຈົ້າ, ພວກເຮົາກໍຈະກະທໍາຄວາມບາບ ແລະ
ໄດ້ຮັບໄພພິບັດ. ແມ່ນແຕ່ໃນສະໄໝນີ້, ພະເຈົ້າກໍໄດ້ຊົງບອກວ່າ ໄພພິບັດຄັ້ງສຸດທ້າຍ
ຈະມາເພາະວ່າ ໂລກນີ້ໄດ້ລືມພະບັນຍັດຂອງພະເຈົ້າເຊັ່ນ ມື້ພະ ແລະ ປັດສະຄາແຫ່ງ
ຄໍາໝັ້ນສັນຍາໃໝ່ ແລະ ບໍ່ໄດ້ປະຕິບັດຕາມ.

[ແມ່ນພະເຈົ້າ ພະອັນຊັງໂຮງ ຜູ້ຊົງ​ສັ່ງ​ໃຫ້​ພວກ​ເຮົາປະຕິບັດຕາມຄໍາໝັ້ນ​ສັນ​ຍາ​ໃໝ່,
ມື້ພະ ແລະ ​ປັດ​ສະ​ຄາ]

ມະນຸດຊາດແມ່ນບັນດາຈິດວິນຍານ (ທູດສະຫວັນ) ທີ່ເຮັດບາບຢູ່ໃນສະຫວັນ ແລະ
ຖືກຖິ້ມລົງມາສູ່ໂລກນີ້. ພວກເຂົາ​​ສາມາດ​ກັບ​ຄືນສູ່​ສະຫວັນ​ໄດ້​ ກໍຕໍ່ເມື່ອພວກ​ເຂົາ​ເຊື່ອ​ຟັງ
​ພະ​ຄຳ​ຂອງ​ພະ​ເຈົ້າ​ ໃນ​ຂະນະ​ທີ່​​ມີ​ຊີວິດ​ຢູ່ໃນ​ໂລກ​ນີ້. ເໝືອນດັ່ງ​ກະສັດ​ເຮເສກີຢາ​ ໄດ້​ຮັບ
ພະ​ພອນ ​ໂດຍການ​ປະຕິບັດຕາມ​ພະບັນຍັດ (ປັດສະຄາ) ຕາມ​ພະຄຳ​ຂອງ​ພະ​ເຈົ້າ,
ຄິດສະຕະຈັກຂອງພະເຈົ້າ ກໍ​ເຊື່ອ​ຟັງ​ພະ​ປະສົງ​ຂອງ​ພະ​ເຈົ້າ ​ໂດຍ​ການປະຕິບັດຕາມ
​ພະບັນຍັດ​ຂອງ​ພະ​ເຈົ້າຄື ຄໍາໝັ້ນ​ສັນຍາ​ໃໝ່.

ຈົ່ງໃຫ້ແນ່ໃຈວ່າ ພວກເຈົ້າບໍ່ລືມໄລພະຜູ້ເປັນເຈົ້າ ອົງເປັນພະເຈົ້າຂອງພວກເຈົ້າ;
ຢ່າລົ້ມເລີກທີ່ຈະເຊື່ອຟັງພະບັນຍັດ ເຊິ່ງຂ້າພະເຈົ້າໄດ້ມອບໃຫ້ແກ່ພວກເຈົ້າໃນມື້ນີ້.
[ພະບັນຍັດສອງ 8:11]

“ບໍ່ແມ່ນວ່າທຸກຄົນທີ່ເອີ້ນເຮົາວ່າ ‘ນາຍເຈົ້າຂ້າ ນາຍເຈົ້າຂ້າ’ ຈະເຂົ້າໄປໃນອານາຈັກ
ຂອງພະເຈົ້າ ເຂົ້າໄດ້ແຕ່ຜູ້ທີ່ປະຕິບັດຕາມພະບິດາຂອງເຮົາ ຜູ້ສະຖິດຢູ່ໃນສະຫວັນ
ຕ້ອງການໃຫ້ເຂົາປະຕິບັດຕາມເທົ່ານັ້ນ. ເມື່ອມື້ພິພາກສາມາເຖິງຫຼາຍຄົນຈະເວົ້າກັບເຮົາ
ວ່າ ‘ນາຍເຈົ້າຂ້າ ນາຍເຈົ້າຂ້າ! ໃນນາມຂອງພະອົງ ພວກຂ້າພະອົງໄດ້ປະກາດຖ້ອຍຄໍາ
ຂອງພະເຈົ້າ... ໄດ້ເຮັດການອັດສະຈັນຫຼາຍປະການ!’... ‘ເຮົາບໍ່ເຄີຍຮູ້ຈັກພວກເຈົ້າ.
ຖອຍໜີໄປຈາກເຮົາ ພວກເຈົ້າຄົນທີ່ເຮັດການຊົ່ວຮ້າຍ!’
[ມັດທາຍ 7:21–23]