Apha Ahnsahnghong Wng Kha Kaitor, Uáinwi-o Phainai Khristo I

Chwngno Eden Tháiblwngni Langmani Buphang (Yόkma Ter) Rwnai a Borok Wng Kha Kaitor

Kaitor Eden Tháiblwngo toni mani, Kaham Hamya Si Rwnai Buphang tei Langmani Buphang, aborok wng kha bororokno Kaitorni Hano tẃiwi phrwngnani bagwi Kaitor snammani rwngthoma tei sampili se.

Chwngno thwiphlaiya langma rwnai, Eden Tháiblwngni Langmani Buphangni lama phiyόgwi rw-ui mannai wng kha Kaitor simi se, 2,000 bisi swkang Jisu chwngno Swmai Kwtalni Yόkma Ter rw kha, tei o molo Khristo Ahnsahnghong chwngno Swmai Kwtalni Yόkma Ter rw kha. Aboni bagwino, Khristo Ahnsahnghong wng kha Kaitor.

Tamni Bagwi Kaitorni Motha, Ahnsahnghongno Kaitorno Hwnwi Poito Khlai?

Soi Khristo Baibel tei diyarirok sakki rwmani hai kheno nukjak phainai. Katswi swkangni Mothani kwthar bororok, bόrok je jaga thángo arono Jisu wng kha Khristo hwnwi pírmani hai, o molo chwngno Swmai Kwtalni Yόkma Ter tubui rw phai nai Apha Ahnsahnghong wng kha tei uáisa phai nai Khristo hwnwi pír nani nangnai.

“ ‘Ani bahan chánai borok, ani thẃi nungnai borok bo mwthangjak phlai kha, hakhe ang bono páithakni salo mwthangwi tisanai. Ani bahan se sóini chámung, ani thẃi se sóini nungjaknai . . . omo hai kheno ano chánai borok bo ani bai thangnai.’ ”
Johon 6:54-57

Chána jora wng kheno Jisu chonghorrok bai baksa khe chána achuk kha. Bo bórokno hai hwnwi sa kha, “Ang sátokjakma swkang o Yókma Terni norok bai panda chá laina belai muchungo.
Luk 22:14-15