Kaitorni phan bai khe, Israilsarok Ijip ha-o 430-bisi romwi seleng khajagwi tongmani yakni yók kha, hakhe Kanan bwkhak lam rw lai kha.Hai phano, Israilsarok bórokno phiyóknai a Kaitorni khairokmungno pok lai kha. “Tamni chwngno hasing panthoro butharnani bagwi ha Ijipni tubu-ui ma phai?” Kebengwi kók ham ya sanai, bororok khe, kirimasingcha chibukrok bai sukjak bai kha tei thwi bai kha (Lek 21:6).
“The LORD said to Moses, ‘Make a snake and put it up on a pole; anyone who is bitten can look at it and live’ ”Nu 21:8 Subraiyung Musino, “Nwng kirimasingcha chibuk masa snamwi buphangni thong buchugo khachiui rw di, khoroksa swk chibuk bai sukjak phuru khe bo omono nahar khe bo thang sinai,” hwnwi sa kha. (Lek 21:8)
Hakhe, bórokno mwthangnai a pitolni chibuk da? In’-hi, Kaitor se Bini a kóktháirok bai khe bórokno mwthango, “khoroksa swk chibuk bai sukjak phuru khe bo omono nahar khe bo thang sinai.” Hai phano, Israilsarok a pitolni chibukno bisi sararok romwi khulum lai kha, aboni huijak phan tongo hwnwi uansuk laiwi.
“Just as Moses lifted up the (bronze) snake in the desert, so the Son of Man must be lifted up…”Jn 3:14–15 Habugra Hejekia pitolni chibukno phondrik-phandrak khe swbai rw phuru, Kaitor bóno khá phurjak kha hakhe bó thángma’-ono bini bebak samungrok’-no cha rw kha (2 Ha 18:3–7). Kaitor tamni bagwi pitolni chibukno phondrik-phandrak khe swbai rwnai a Hejekia no khá phurjak kha? Abo tamni bagwi hwn khe mang takjakno khulumnairok khe sokomorjak bai nai. Pitolni chibukno khulummani a laibuma wng kha kaisa kók diyari se je abo wng kha motharok krusno songchawi tei sokomorjak anw hwnwi sasok jakmani. “Musi hasing panthoro a (pitolni) chibukno kuchugo tisama hai Borokni Sajlabo abo hai kheno ma tisajakna nangnai; . . .” Joh 3:14–15
Chwngno mwthangnai krus ya, phiya ba Jisu se chwngno mwthango (1 Pi 1:18–19). Tini, haiphano, Israilsarok pitolni chibukno khulumma hai khe, motharokbo haino krusno khulum laiui tong lai-o. Pitolni chibuk mungsa ya phiya ba kaisa pitolni bokcho wngma hai kheno, krusbo mungsaya phiya ba kaisa buphangni bokcho’-no klai-o (Ac 5:30). Krusno songchanai, a motharok, hwn khe sokomorjak bai nai (Uái 27:15). “O ani bororok, phai di, bini bisingni ongkhorwi phai di! Norok bo bai baksa sumsok ta khlai di; norok bo bai baksa birman ta manjak di.” Phu 18:4
Tei Uáisa Phainai Khristo Ahnsahnghongni phrwngmungrokno kók khnaui, Kaitorni Motha pitolni chibukni patimung wng kha krusno khulummano tẃiwi kók diyari se hwnwi joto bororokno sirwui tongo. Phola Kwtharni Molni MwthangnaiSa Ama Kaitor tongmani a Kaitorni Motha, Siyonno phai lai ja di hakhe norok páithakni birmanni yakni yógwi mannai tei mwthangjagwi mannai.
- আগের তারিখ
- Oct 18, 2025
- সহানুভূতি
- 0
