မာနကြီးမှုကို စွန့်ပစ်ပြီး စိတ်နှိမ့်ချသောသူ ဖြစ်ကြစို့

ကောင်းကင်နိုင်ငံဝင်ရန် လိုအပ်သော အကျင့်စရိုက်၊ နှိမ့်ချခြင်း

နှိမ့်ချခြင်းဟာ၊ ကောင်းကင်နိုင်ငံကိုဝင်ဖို့ မဖြစ်မနေလိုအပ်တဲ့ အကျင့်စရိုက်ဖြစ်ပါတယ်။

လွန်ခဲ့တဲ့နှစ်ပေါင်း (၂,၀၀၀)က၊ ယေရှုခရစ်ဟာ ယေရုရှလင်မြို့ထဲကို ဝင်တဲ့အခါမှာ၊
မြည်းကလေးကိုစီးခြင်းအားဖြင့် နှိမ့်ချခြင်းရဲ့ပုံသက်သေကို ပြသတော်မူခဲ့ပါတယ်။
သန့်ရှင်းသောဝိညာဉ်တော်ခေတ်ရဲ့ ကယ်တင်ရှင်ဖြစ်တော်မူတဲ့
ခရစ်တော်အန်ဆန်ဟုန်းနဲ့ အမေဘုရားသခင်ဟာလည်း၊
လူ့ဇာတိနဲ့ကြွလာပြီး နှိမ့်ချတဲ့သူအနေနဲ့ အစေခံခြင်းရဲ့ပုံသက်သေကို ပြသတော်မူခဲ့ပါတယ်။

"ထောင်လွှားစော်ကားသောသူတို့ကို ဘုရားသခင် ဆီးတားတော်မူ၏။
စိတ်နှိမ့်ချသောသူတို့အား ကျေးဇူးပြုတော်မူ၏ဟု လာသတည်း။"
ရှင်ယာကုပ်သြဝါဒစာ ၄:၆

ရှေးခေတ်က၊ ရုရှားကို အုပ်ချုပ်စိုးစံခဲ့တဲ့ ဧကရာဇ် နစ်ကိုလက်စ်ဟာ၊
သာမန်စစ်တပ်ယူနီဖောင်းကို ဝတ်ပြီး စစ်တပ်တန်းလျားကို စစ်ဆေးနေတုန်း တွေ့ခဲ့တဲ့
မာနထောင်လွှားတဲ့စစ်သားကို သူ့ရဲ့ နှိမ့်ချတဲ့ပုံစံအားဖြင့် အသိတရားရစေခဲ့သလိုမျိုး၊
ဘုရားသခင်၏အသင်းတော် မိသားစုဝင်တွေဟာ အမြဲတမ်း နှိမ့်ချတဲ့ပုံစံအားဖြင့်
ဘုရားသခင်ရဲ့ဘုန်းတော်ကို ထင်ရှားစေဖို့ ကြိုးစားအားထုတ်ကြပါတယ်။