ဝိညာဉ်ရေးနှင့်ဆိုင်သောအရာတို့ကို ဝိညာဉ်သဘောအားဖြင့် နှိုင်းယှဉ်သုံးသပ်ကြ၏

ဝိညာဉ်ရေးရာအရာများနှင့် ရုပ်ပိုင်းဆိုင်ရာအရာများကို ခွဲခြားသိမြင်မှသာ ကယ်တင်ခြင်းခံရနိုင်ပါသည်။

တမန်တော်ဆယ့်နှစ်ယောက်ထဲမှာ ယုဒရှကာရုတ်ဟာ
စာရင်းကိုင်အမှုကို အပ်နှင်းခံရလောက်အောင်
ယုံကြည်ထိုက်သူ ဖြစ်ခဲ့ပါတယ်။ ဒါပေမဲ့၊ ယေရှုခရစ်ကို
သူ့ရဲ့အကြံအစည်တွေနဲ့ စီရင်ဆုံးဖြတ်တဲ့အခါမှာ ကယ်တင်ခြင်းကို
ဆုံးရှုံးခဲ့ပါတယ်။ ဒါဟာ မြေကြီးပေါ်မှာ တွေ့ကြုံခဲ့တဲ့
လူတွေရဲ့အတွေ့အကြုံတွေနဲ့ အလေ့အထတွေကို အခြေခံပြီး
ကောင်းကင်အရာတွေကို နားလည်ဖို့ကြိုးစားမယ်ဆိုရင်၊
ဝိညာဉ်ရေးရာအရာကို မခွဲခြားနိုင်ဘဲ
ကယ်တင်ခြင်းမရနိုင်ဘူးဆိုတာကို သွန်သင်ပေးတာဖြစ်ပါတယ်။

သမ္မာကျမ်းစာတွင် ကြိုတင်ဟောထားသည့် ဘုရားသခင့်နှုတ်ကပတ်တော်ဖြင့် ဝိညာဉ်ရေးရာအရာများကို နှိုင်းယှဉ်သုံးသပ်သော ဘုရားသခင်၏အသင်းတော်

ယေရှုခရစ်၊ ခရစ်တော်အန်ဆန်ဟုန်းနဲ့ အမေဘုရားသခင်ရဲ့
ပုံသက်သေလိုမျိုး၊ ကျွန်တော်တို့ဟာ ဝိညာဉ်ရေးရာအရာကို
ခွဲခြားသိမြင်ပြီး မိမိလက်ဝါးကပ်တိုင်ကို ထမ်းပြီး
ဘုရားသခင့်နောက်တော်ကို လိုက်လျှောက်တဲ့အခါမှာ၊
ပေတရု၊ ယောဟန်နဲ့ ကနဦးအသင်းတော် သန့်ရှင်းသူတွေလို
ကယ်တင်ခြင်းခံရနိုင်ပါတယ်။

“ဘုရားသခင်ပေးတော်မူသော အရာတို့ကို ငါတို့သည်
လူပညာကိုအမှီပြု၍ နားလည်သောစကားနှင့် မဟော။
သန့်ရှင်းသော ဝိညာဉ်တော်သည် ဝိညာဉ်နှင့် စပ်ဆိုင်သောအရာကို
ဝိညာဉ်စကားအားဖြင့် ဖွင့်ပြ၍ ပဲ့ပြင်တော်မူသောစကားနှင့်
ငါတို့သည် ဟောကြ၏။ ဇာတိပကတိလူသည်
ဘုရားသခင်၏ ဝိညာဉ်တော်အရာတို့ကို မခံမယူ။
ထိုအရာတို့သည် မိုက်မဲသော အရာဖြစ်သည်ဟု ထင်တတ်၏။
ထိုအရာတို့ကို ဝိညာဉ်အားဖြင့်သာ ပိုင်းခြား၍
နားလည်နိုင်သောကြောင့်၊ ဇာတိပကတိလူသည် နားမလည်နိုင်။”
ကောရိန်သုသြဝါဒစာပထမစောင် ၂:၁၃-၁၄