Ka Jingmut jong Ka Sngi ka Jingmihpat

[Ka Balang U Blei ka buh ia ka Sngi Sabbaton bad ka Sngi ka Jingmihpat katkum ka mon U Blei]

Ka Jingkhawai Niam ki Soh Nyngkong kaba la rakhe ha ka por U Moses
ha ka Testament Barim ka long ka syrngiew,
bad ka Sngi ka Jingmihpat jong ka Testament Bathymmai ka long ka jingshisha.
U Jisu Khrist u la mihpat dang step eh
ha ka sngi hadien ka sngi Sabbaton, ka sngi Sunday,
kum u soh nyngkong na kita kiba la iohthiah noh
ban pyndep ia ka jingiathuhlypa jong ka Jingkhawai Niam ki Soh Nyngkong.
Namar kata, ka long ka mon U Blei ba ngi buh
ia ka Sngi Sabbaton (sngi Saitjain) kum ka jingkhawai niam ba nam ka taiew,
bad ka Sngi ka Jingmihpat kum ka jingkhawai niam ba man u snem.

[U Blei Ahnsahnghong u la hikai ia ngi
ia ka jingmut bashisha jong ka Sngi ka Jingmihpat]

U Soitan u la buh ia u khun bynriew hapoh ka jingkhum ka jingiap,
da kaba pynlong ia ki ban iaid lyngba ka jingkordit ka jingiap;
la kumta ruh, U Jisu Khrist u la wan sha kane ka khyndew,
u da pynjot ia ka bor ka jingiap, bad ialam ia ki briew
sha ka jingshisha kaba ialam sha ka jingim bymjukut
lyngba ka Sngi ka Jingmihpat.
Ha kine ki sngi, ki dkhot jong ka Balang U Blei
kim bud ia ka dustur ki Jenil ban iasam ia ki pylleng,
hynrei ki kdiah ia u kpu uba plie ia ki khmat bakynja mynsiem jong ngi,
da kaba bud ia ka suksa jong U Jisu Khrist.

“Hynrei mynta ia U Khrist la pynmihpat na kiba iap,
bad u la jia long u soh nyngkong kein na kita kiba la iohthiah noh . . .
kumta ruh ha U Khrist yn pynim ia baroh.” [1 Sha ki Nong Korinth 15:20–22]