Ka Jingiaseng Bakhuid

Ka La Jia Aiu sha U Daniel Uba Duwai sha U Blei Watla U Tip ba Un Shah Bred Hapoh ka Krem ki Sing?

U Daniel u la don ha ka jingma ban shah pyniap namarba u duwai sha U Blei. La kumta ruh, u la ioh kyrkhu kham khraw da U Blei namar ka jingngeit kabym khih bad kaba shisha ka jong u. Kumba ha ka nuksa jong U Daniel, ka Baibl ka thoh ba ka jingiaseng kam dei ban shah pynduh noh namarba ka dei ka kamram bakyntang kaba ki briew U Blei ki dei ban leh, bad ka dei ka rukom ban pynpaw ia ka jingtieng burom jong ngi sha U Blei.

Ki Dkhot jong ka Balang U Blei ki mane ia U Blei ha ka Sngi Bakhuid kaba la Thung da U Blei

Lada ngi don ia ka jingngeit ban bud ia ki jinghikai ka Baibl, ngi dei ban mane ia U Blei ha ka sngi bakhuid kaba la thung da U Blei da la ka dohnud, ka mynsiem, bad ka jingmut baroh. Ki dkhot jong ka Balang U Blei sawdong ka pyrthei ki mane ia U Blei katba kum ka sngi Sabbaton bad ki Hynniew Tylli ki Jingkhawai Niam ha ki Lai Sien jong ka Jutang Bathymmai, kaba U Khrist Ahnsahnghong bad Ka Blei Ka Kmie ki la hikai ia ngi.

“Hynrei ka por ka jia, bad ka long mynta kein, haba ki nongiamane Blei kiba shisha kin iamane ia U Kpa ha ka mynsiem bad ha kaba shisha; naba U Kpa ruh u wad ia kiba kum kita ban iamane ia u. U Blei u long U Mynsiem, te ka dei ia kiba mane ia u, ban mane ha ka mynsiem bad ha kaba shisha.”
Ioannis 4:23-24