Na iVolatabu e ivola ni parofisai.

Eso na tamata era raica na iVolatabu me dua ga

na ivola ni itukutuku kei Isireli se italanoa makawa.

Ia, na iVolatabu e ivola makawa duadua e vuravura,

era vola ena duidui gauna mai vei ira e vuqa

na tamata duidui nodra cakacaka kei na nodra

yabaki sa sivia na 1,600 na yabaki.

Na ka e veivakurabuitaki kina ni veika kece e volai

ena loma ni 1,600 na yabaki e semati me parofisai

kei na kena vakayacori.

Ena kedra maliwa na ivolatukutuku ni iVolatabu,

meda vulica mada na parofisai me baleti

Tui Sairusi kei na kena vakayacori.

O Tui Sairusi a tauyavutaka na Matanitu o Perisia

ka qaqa ena Tokalau.

Meda raica mada na nona rawa-ka cecere

e volai ena iVolatabu.

“Oqo na i vakaro veikauyaki i Sairusi na Tui Perisia:

Sa solia oti vei au ko Jiova, na Kalou ni lomalagi,

me'u lewa na veimatanitu kecega e vuravura,

ka sa vakacolata vei au na i tavi me'u tara e dua

na valenisoro me nona mai Jerusalemi e Juta.

(Esera 1:2–3)

Na cava na vuna a vakacaucautaka kina na Kalou ni

Isireli o Sairusi na tui Perisia ka sereki ira na Isireli?

A raica o Tui Sairusi ni volai tu na yacana ena ivola i

Aisea ka a volai rauta ni 170 na yabaki

ni bera ni sereki ira na Isireli.

Sa digitaki Sairusi ko Jiova me tui! A sa digitaki me

vakamalumalumutaka na veimatanitu; Sa talaki me

luvata tani na i sulu ni veiliutaki vakatui; . . . Au na

solia vei iko na i yau mai na veivanua e vunitaki tu kina

Ena veivanua butobuto; O na qai kila kina ni sai au ko Jiova,

Ka sa digitaki iko na nodra Kalou na Isireli.

(Aisea 45:1–3)

Sa qai kila o Tui Sairusi ni a vukei koya na Kalou

me rawai Papiloni, ka sereki ira na Isireli me vaka

e parofisaitaki ena iVolatabu. Na ka e yaco, e se

vakacaucautaki tikoga kina o Tui Sairusi mai vei ira

na tamata ni dua na tui makawa ka sereki ira na bobula

ka vakadonuya na dodonu ni galala ni lotu. E parofisaitaka

talega na iVolatabu na sucu nei Jisu ni se gone lailai

rauta ni 700 ni bera ni lako mai ki vuravura.

. . . Raica ena bukete e dua na goneyalewa ka na

vakasucuma e dua na gone tagane

ka na vakatoka me yacana o Imanueli.

(Aisea 7:14)

Me vaka na parofisai oqo, a sucu na Kalou ko Jisu

mai na yago i Meri na goneyalewa (Maciu 1:18–23).

Kena ikuri, e tukuna vakamatailalai na iVolatabu

na sala ena vakararawataki kina o Jisu.

Era sa beca ka cati koya na tamata . . . Ia sa vakamavoataki

o koya ena vuku ni noda ca Ka sa mokuti ena vuku

ni noda i valavala ca. Eda sa sereki ena vuku ni nona totogi

Ka vakabulai ena nona vakanakuitataki.

(Aisea 53:3–5)

Me vaka na parofisai oqo, a lausua o Jisu ena moto

ka vakanakuitataki (Maciu 27:26–35; Joni 19:34).

E dina ga ni ra a sega ni kila na tamata na parofisai

ni iVolatabu ena gauna era volai kina, ia era sa

vakavotukanataki taucoko. Sa vakasalataki keda kina

na iVolatabu me da kakua ni beca na parofisai (1 Ci 5:20).

E baleta ni da na sega ni rawa ni vakabulai kevaka eda

beca na parofisai ni iVolatabu. Me vaka ga ni vuqa na parofisai

era sa vakayacori vakadodonu me vaka sa volai,

sa vakakina na parofisai sa vo tu ena vakavotukanataki

taucoko ka sega ni cala.

ena yaco na uneune lelevu, kei na dausiga,

kei na mate ca ena veivanua eso, ka na rairai

na veika vakadomobula kei na i vakatakilakila

lelevu eso mai lomalagi.

E tukuna vei keda na iVolatabu ni dodonu meda

dro ki Saioni me rawa ni da vakabulai ni yaco

mai na iotioti ni leqa levu kei na veivakarusai.

“ ‘ “. . . Soqoni vata . . ." Dusia na sala ki Saioni!

Ni dro mo ni bula! Kakua na wawa! Sa kauta

mai na ca ko Jiova, Kei na veivakarusai levu

mai cake, Vaka ki na vualiku.

O Saioni, na vanua e marautaki kina na cakacaka ni Kalou,

sa vanua ni ivakaruru kei na veivakabulai sa yalataka

vei keda na Kalou (Aisea 33:20).

E vuravura, na World Mission Society Church of God

sai koya duadua ga na lotu e marautaka na Solevu Tabu

ni Kalou me vaka na ivakavuvuli ni iVolatabu; sai Saioni.