Na iYaragi e Vakamatea
se Vakabula na Yameda
Kevaka eda kaburaka na ka vinaka,
eda na tamusuka na ka vinaka, kevaka
eda kaburaka na ca, eda na tamusuka na ka ca.
E dodonu meda nanuma na itukutuku
makawa era a vakarusai kina na Isireli,
ka ra a vosakudrukudru ena vanua
dravuisiga me vasagavulu na yabaki,
ka rau a vakalougatataki vakalevu na
Kalou na cauravou o Tevita, Setareki,
Mesaki, kei Apetiniko ena nodra cabora
na reki ena nodra vosa ni vakabauta ka
sinai ena loloma soli wale.
Era Kaburaka na Lewe ni Lotu ni
Kalou na Sore ni Bula, Na Vosa
e Liutaki Ira na Kawatamata
ki na Veivakabulai
Me vaka na ivakavuvuli nei Karisito
Ahnsahnghong kei na Kalou na Tina,
era dau solia na vakacegu kei na veitokoni
na lewe ni Lotu ni Kalou ena cakacaka
vinaka kei na vosa dodonu e vale,
ena Lotu, kei na itikotiko raraba.
Nikua, era sa lako vakaukauwa
yani ki liu me ra wasea na itukutuku
rekitaki ni veivakabulai ni Kalou vei
ira era sa oca tu mai na bula vakaicolacola
bibi, ka ra kaya, “Sa tu na matanitu
vakalomalagi ka sa sega tale kina
na mate, na rarawa se na mosi.”
Sa dau kauta mai na ka vinaka na tamata
vinaka mai na nona lololo vinaka, ka sa
dau kauta mai na tamata ca ena veika
ca mai na nona lololo ca.
“Au sa kaya vei kemudou ni ra na
tarogi na tamata ena siga ni lewa
ena vuku ni vosa vakatani kece era
sa cavuta;
ni o na vakadonui ena vuku ni nomu
vosa, o na cudruvi talega ena vuku
ni nomu vosa.”
Maciu 12:35–37
- Post Date
- 2024. 08. 09
- Emotion
- 5
