Wngwi Man Ya Hai Jora-o Suda Kόk Khnanai, Chini Poitoni Chuchusongni Bising Huijak Kόk
Abraham, Noa, Musi, tei Daniel hamari rwjak kha, tamni hwn khe bόrok jesa wngthothok wng ya tonghalokrogo khlai phano, bόrok Kaitorni kόkno khna kha. Baibelni o laibumarok chwngno phunugo, jesa tonghalokrok phano wng thung, Kaitor tongmanino chwng krak khe poito khlai nani nangnai.
Chúkhani Haktor, Chuknohani Kanan Sampaui Phaimani Molo Chwng Tamno Nang?
Bόrok Kanan-o sogwi nani bagwi salchi hwn kheno wng anw.
Haiphano, Israilsarok aro bisi 40 ni yagulo se hap si-o tei bόrokni bwskango wngwi tongmarokno simi kaichomwi naiwi kόk bángnai tei hunu hanai sanai bororok hasing panthoro sokomorjak bai kha. Omorok bebakno bόrokni poito kwrwini bagwi se wngo. Omo hai kheno, tini, chwng chúknohani Kanan phaising him lai twtẃi poitoni hasing panthoro chini nangkukmani manwi wng kha, Kaitor Ahnsahnghong tei Ama Kaitorni kόktháirogo wngsúkjak poito khlai nani se nangnai.
Poito gwnang wngmani abo wng kha chwng khatungmani abono man súk kha hwnma se, chwng nuk ya phano saui man súk kha hwnma se. Agini bororok Kaitor bai kaham hwnjakmani abo wng kha bórok poito khlaima bai se. Bebak swngchar Kaitorni kók bai se snamjago hwnwi chwng saui manmani abo wng kha chwng poito
khlaima bai se, hakhe nuk ya manwini se o nukma manwirok snamjago.
Hibru 11:1-3
- আগের তারিখ
- 2023. 03. 24
- সহানুভূতি
- 6
