ဆင်ခြင်တုံတရား၏တန်ဖိုးနှင့် ခရစ်တော်နောက်ကိုလိုက်ခြင်း၏ တန်ဖိုး

ဓမ္မဟောင်းသမိုင်းကြောင်းတွေအားဖြင့် ကျွန်ုပ်တို့ရဲ့ ယုံကြည်ခြင်းအသက်တာမှာ ဘာကို တန်ဖိုးထားသင့်လဲဆိုတာကို စဉ်းစားကြပါစို့။

ဆယ်ရက်ခရီးပဲ ဖြစ်နိုင်ခဲ့ပေမယ့် ဘုရားသခင်ဟာ ဣသရေလလူတွေကို သဲကန္တာရထဲမှာ နှစ်ပေါင်းလေးဆယ် လျှောက်စေခြင်းအားဖြင့် ခေါ်ဆောင်ခဲ့ပါတယ်။ ဘုရားသခင်ဟာ ဣသရေလလူမျိုးတွေဆီ ယေရိခေါမြို့ကို ခြောက်ရက် လှည့်ပတ်ခိုင်းခဲ့ပြီးတော့၊ ခုနစ်ရက်မြောက်နေ့မှာ ကြွေးကြော်ဖို့ မိန့်တော်မူခဲ့ပါတယ်။ ဂိဒေါင်ကိုလည်း လူ(၃၀၀)တည်းနဲ့ လူပေါင်း(၁၃၅,၀၀၀)ကို တိုက်ခိုက်ဖို့ မိန့်တော်မူခဲ့ပါတယ်။ သူတို့ဟာ ဘုရားသခင်ရဲ့နှုတ်ကပတ်ကို တန်ဖိုးထားပြီး နာခံတဲ့အချိန်မှာ၊ ဘုရားသခင်ဟာ အရာအားလုံးမှာ ကောင်းချီးပေးခဲ့ပါတယ်။

ဆင်ခြင်တုံတရားရဲ့တန်ဖိုးနဲ့ ခရစ်တော်နောက်ကိုလိုက်ခြင်းရဲ့တန်ဖိုးကြားရွေးချယ်မှုအတွက် စံနှုန်းက ဘာဖြစ်ပါသလဲ။

ဘုရားသခင်၏အသင်းတော် မိသားစုဝင်တွေဟာ တတိယအတိုင်းအတာကမ္ဘာမဟုတ်တဲ့၊ ပဉ္စမအတိုင်းအတာကမ္ဘာကနေ အားလုံးကိုကြည့်ရှုတော်မူတဲ့ ခရစ်တော်အန်ဆန်ဟုန်းနဲ့ ကောင်းကင်အမေရဲ့နှုတ်ကပတ်တော်တွေကို သူတို့ရဲ့အဖိုးထိုက်အရာအဖြစ် ထားရှိပြီး၊ ယုံကြည်ခြင်းလမ်းကို လျှောက်လှမ်းနေကြပါတယ်။

“ထိုနောက်မှ ငါကြည့်လျှင်၊ သိုးသငယ်သည် ဇိအုန်တောင်ပေါ်မှာရပ်နေ၏။ သူ၏နာမနှင့် ခမည်းတော်၏နာမကို နဖူး၌ အက္ခရာတင်သောသူ တသိန်းလေးသောင်းလေးထောင်လည်း သူနှင့်အတူ ရှိကြ၏။ ... ထိုသူတို့သည် ကညာဖြစ်၍ မေထုန်အမှုနှင့် မညစ်ညူးသောသူဖြစ်ကြ၏။ သိုးသငယ်သွားလေရာရာအရပ်သို့ နောက်တော်၌ လိုက်သောသူဖြစ်ကြ၏။” ဗျာဒိတ်ကျမ်း ၁၄:၁-၄